பிரபல தயாரிப்பாளரான ஆர்.கே.சுரேஷ் பாலாவின் ‘தாரை தப்பட்டை’ படம் மூலம் நடிகராக அறிமுகமானார். இதில் இவரின் நடிப்பு அனைவராலும் பாராட்டப்பட்டது. வில்லனாக அசத்திய ஆர்.கே.சுரேஷ் ‘பில்லா பாண்டி’, ‘வேட்டை நாய்’ போன்ற பல படங்களில் கதாநாயகனாக நடித்து வந்தார்.
தற்போது இந்த இரண்டு படத்தின் படப்பிடிப்புகள் முடிந்து தற்போது ரிலீசுக்கு தயாராகி வருகிறது. இதில் ‘வேட்டை நாய்’ படத்தின் டீசரை ஜூலை 5ம் தேதி 3 பிரபலங்கள் வெளியிட இருப்பதாக அறிவித்து யார் என்று சஸ்பென்ஸ் வைத்திருந்தார்கள். தற்போது அவர்கள் யார் என்று வெளியிட்டிருக்கிறார்கள்.
விஷால், ஆர்யா, விஜய் ஆண்டனி ஆகியோர் இணைந்து இப்படத்தின் டீசரை நாளை மாலை 4.30 மணியளவில் வெளியிட இருக்கிறார்கள்.
வேட்டை நாய் படத்தை எஸ்.ஜெய்சங்கர் என்பவர் இயக்கியுள்ளார். இவர் ஏற்கனவே ‘மன்னாரு’ படத்தை இயக்கியுள்ளார். நாயகியாக 'கடுகு' படத்தில் நடித்த சுபிக்ஷா நடிக்கிறார். ராம்கி, வாணி விஸ்வநாத், தம்பி ராமையா, சரவண சக்தி ஆகியோர் நடிக்கிறார்கள்.
